चरिकोट, २८ असोज
पुर्नगठित मन्त्रीपरिषद्मा यसअघि महिला, बालबालिका तथा ज्येष्ठ नागरिक मन्त्रालयको जिम्मेवारी सम्हाल्नु भएका पार्वत गुरुङले यस पटक सञ्चार तथा सूचना प्रविधि मन्त्रालयको जिम्मेवारी पाउनु भएको छ ।
दोस्रो पटक पुर्नगठित मन्त्रिपरिषदमा उहाँले महत्वपुर्ण मानिएको संचार मन्त्रालयको जिम्मेवारी पाउनु भएको हो । महिला, वालवालिका तथा जेष्ठ नागरिक मन्त्रालयको जिम्मेवारीमा रहँदा उहाँले नीतिगत सुधारदेखि संघसंस्थामा भएको बेथिति अन्त्यका लागि प्रभावकारी रुपमा पहल सुरु गर्नु भएको थियो । अब गुरुङ काँध आम सञ्चार क्षेत्रमा ब्याप्त बेतिथि अन्त्यका लागि कदम चाल्ने जिम्वेवारी आईपरेको छ ।
मन्त्री गुरुङले सामाजिक क्षेत्रलाई राष्टिय गौरवको योजनाका रुपमा स्थापित गराउने महत्वकांक्षी योजना अघि सार्नु भएको छ । मंगलवारमात्रै सामाजिक उद्यमशिलता कोषको औपचारिक शुभारम्भ गर्नु भएको थियो ।
प्रधानमन्त्री केपी शर्मा ओलीले बुधबार गर्नु भएको मन्त्रिमण्डल पुर्नगठनमा गुरुङले नयाँ मन्त्रालयको जिम्मेवारी पाउनु भएको हो । प्रधानमन्त्री ओलीको सिफारिसमा राष्ट्रपति विद्यादेवी भण्डारीले मन्त्रिपरिषद्मा हेरफेर गर्नु भएको हो ।
राष्ट्रपतिको कार्यालयले विज्ञप्ती जारी गर्दै संविधानको धारा ७६ को उपधारा ९ बमोजिम प्रधानमन्त्रीको सिफारिसमा मन्त्रिपरिषद्मा नयाँ नियुक्ति, हेरफेर र कार्यविभाजन गरेको जनाएको छ । यसै विच नेकपा महासचिव विष्णु पौडेलले नयाँ मन्त्रिपरिषद्मा अर्थमन्त्रीको जिम्मेवारी पाएका छन् । यसअघिका अर्थमन्त्री युवराज खतिवडाले ६ महिनाभित्र संसद सदस्य बन्न नसकेपछि राजीनामा दिएका थिए ।
नयाँ हेरफेर अनुसार उपप्रधानमन्त्री ईश्वर पोखरेललाई प्रधानमन्त्री तथा मन्त्रिपरिषद् कार्यालयको जिम्मेवारी दिइएको छ । उनले सम्हाल्दै आएको रक्षा मन्त्रालय प्रधानमन्त्री ओलीले आफैंसँग राखेका छन् ।
-1743416799.jpeg)
