चरिकोट १८ चैत्र
मर्यादित व्यवसाय र प्रविधिमा सहकारी भन्ने नाराका ६४ औं राष्ट्रिय सहकारी दिवसको अवसरमा जनसचेतन बचत तथा ऋण सहकारी संस्थाले बुधबार रक्तदान कार्यक्रम सम्पन्न गरेको छ ।
दोलखा जिल्ला भरी कार्यक्षेत्र रहेको सहकारी संस्थाको मुख्य कार्यालय बैत्यश्वर गाउँपालिका – ५ मैनापोखरी काब्रेमा आयोजित रक्तदान 
गरेको सहकारीका प्रमुख कार्यकारी नवराज दाहालले जानकारी दिनु भयो । सहकारीले राष्ट्रिय सहकारी दिवसको अवसरमा परी सामाजिक हितका लागि नेपाल रेडक्रस सोसाईटी दोलखा जिल्ला शाखासँगको समन्वयमा रक्तदान कार्यक्रम आयोजना गरेको हो ।
संस्थाका अध्यक्ष हेमन्त चौलागाईको अध्यक्षमा भएको कार्यक्रममा नेपाल बचत तथा ऋण केन्दिय सहकारी संघ लिमिटेडका केन्द्रिय सदस्य जिबसराज खड्काको प्रमुख आतिथ्यतामा रक्तदान कार्यक्रम सम्पन्न भएको हो ।
कार्यक्रमलाई सम्बोधन गर्नु हुँदै प्रमुख अतिथि खड्काले बचत संकलन र ऋणको कारोबार मात्र नगरी जनसचेतनले सामाजिक हितका कार्यमा पनि जोड दिदै आएको बताउँनु भयो । सो अवसरमा खड्काले सहकारी संस्थाहरुले आर्थिक कारोबारसँगै शेयर सदस्य र समुदायको हितमा सामाजिक अभियान समेत सञ्चालन गर्नु पर्नेमा जोड दिनु भयो ।
कार्यक्रमलाई सम्बोधन गर्नु हुँदै प्रमुख अतिथि खड्काले बचत संकलन र ऋणको कारोबार मात्र नगरी जनसचेतनले सामाजिक हितका कार्यमा पनि जोड दिदै आएको बताउँनु भयो । सो अवसरमा खड्काले सहकारी संस्थाहरुले आर्थिक कारोबारसँगै शेयर सदस्य र समुदायको हितमा सामाजिक अभियान समेत सञ्चालन गर्नु पर्नेमा जोड दिनु भयो ।
यसै गरी कार्यक्रमलाई सम्बोधन गर्नु हुँदै सहकारी संस्थाका अध्यक्ष हेमन्त चौलागाईले जनसचेतनले समुदायको हितमा सामाजिक विकास अभियानलाई प्राथामिकताका साथ अगाडी बढाउने बताउँनु भयो । सो अवसरमा चौलागाईले संस्थाको कार्यक्षेत्र जिल्ला भर भएकोले जिल्लाका विभिन्न स्थानमा सामाजिक अभियानहरु सञ्चालन हुने बताउँनु भयो । कार्यक्रममा बैत्यश्वर गाउँपालिका वडा नम्बर ४ का अध्यक्ष कुमार चौलागाई र वडा नम्बर ५ का अध्यक्ष माधव बस्नेत, सहकारी संस्थाका पदाधिकारी, सञ्चालक र कर्मचारीहरुको उपस्थिती रहेको थियो ।
सहकारी दिवसकै अवसरमा सहकारी संस्थाले चैत्र २० र २१ गतेका दिन बैत्यश्वर गाउँपालिका भित्रका माध्यमिक विद्यालय स्तरिय भलिबल प्रतियोगिता आयोजना गर्दै छ । सहकारीमा युवा विद्यार्थीको सहभागिता भन्ने नाराका साथ सहकारी संस्थाले प्रतियोगिता आयोजना गर्दै छ ।
-1743416799.jpeg)
