दोलखामा थप १० दिन निषेधाज्ञा थप

राष्ट्रिय खबर

गृहपृष्ठ
राष्ट्रिय खबर

दोलखामा थप १० दिन निषेधाज्ञा थप

इ दैनिक सहकर्मी सोमबार, असार २१, २०७८

दोलखा, २१ असार

दोलखामा थप १० दिन निषेधाज्ञा जारी गरिएको छ । कोरोना संक्रमणको जोखीम कायमै रहेकाले जिल्ला कोभिड संकट व्यवस्थापन केन्द्र डिसिसिएमसी दोलखाको सिफारीसमा आज राती १२ बजेबाट असार ३१ गते बिहिबार राति १२ बजे सम्मका लागी निषेधाज्ञा जारी गरिएको हो ।

निषेधाज्ञाका समयमा जिल्ला भर व्यापार व्यवसाय बेलुका ७ बजे सम्म मात्र सञ्चालन गर्न पाइने छ भने सबै किसिमका सभा सम्मेलेन गोष्ठि जस्ता भिडभाड हुने क्रियाकलाप गर्न नपाईने र विवाह व्रतबन्द, दिवाली, कुलपुजा वा यस किसीमका धार्मीक, सामाजिक र साँस्कृतिक क्रियाकलाप पर्व कार्य वा उत्सव गर्न प्रतिबन्द लगाइएको छ ।

त्यसैगरि विभिन्न धार्मीक स्थलहरुमा नित्यपुजा बाहेकका सम्पुर्ण धार्मीक साँस्कृतिक गतिविधिहरु सञ्चालन गर्न नपाइने, सबै सरकारी एवम् सार्वजनिक निकाय, कार्यालय, बैंक तथा वित्तिय संस्थाले स्वास्थ्य सम्बन्धि मापदण्ड पुर्ण पालना गरि न्युनतम र आवश्यक कर्मचारीहरुबाट सेवा प्रदान गर्ने व्यवस्था मिलाउन भनिएको दोलखाका प्रमुख जिल्ला अधिकारी बासुदेव घिमिरेले जानकारी दिनु भयो ।
आज बेलुकाबाट जोर विजोर प्रणाली हटाइएकाले निजी र सार्वजनिक सबै किसीमका सवारी साधन जिल्ला भित्र चल्न पाउने भए पनि अत्यावश्यक काम परि काठमाण्डौ जानुपर्ने व्यक्तिले जिल्ला प्रशासन कार्यालयबाट सवारी अनुमती लिई सार्वजनिक यातयातका साधनमा जान पाउने छन् । निषेधाज्ञा आदेशको उल्लंघन गरि नियमानुसार कानुनी कारवाहि गरिने दोलखाका प्रमुख जिल्ला घिमीरेले बताउनु भयो ।

प्रकाशित मिति: सोमबार, असार २१, २०७८ १९:४२