चरिकोट, १७ पुष
लागु पर्दाथ दुव्र्यसन तथा साइबरक्राइम सम्बन्धि ३ दिने सचेतना कार्यक्रम दोलखा सदरमुकाम चरिकोटमा सम्पन्न भएको छ ।
जिल्ला स्थित विभिन्न गाउँपालिकाका ३५ जना युवाहरुको सहभागिता रहेको कार्यक्रममा लागु पर्दाथ दुव्र्यसनबाट हुने बेफाइदा, प्रभाव र इन्टरनेट तथा डिजिटल प्रविधिको सहि र प्रभावकारी प्रयोगका बारेमा जानकारी गराईएको थियो ।
प्रदेश युवा परिषद् बागमती प्रदेश, हेटौडाको आयोजना तथा चरिकोट मिडिया फाउण्डेसन दोलखाको समन्वयमा सम्पन्न भएको कार्यक्रमको वागमती प्रदेश सासंद तथा पुर्व सामाजिक विकास मन्त्री सरस्वती वस्नेतले उद्घाटन गर्नु भएको थियो । सचेतना अभियान क्रममा प्रदेश युवा परिषद्, वागमतीका सदस्य तथा कार्यक्रम संयोजक श्याम सुन्दर शिवाकोटी, जिल्ला प्रहरी कार्यालय दोलखाका प्रहरी नायव उपरिक्षक भेषराज रिजाल, नेपाल पत्रकार महासंघका केन्द्रिय सदस्य रमेश खतीवडा, अधिवक्ता प्रोणप्रताप के.सी लगायतले प्रशिक्षण दिनु भएको थियो ।
कार्यक्रम समापन समारोहलाई सम्बोधन गर्नु हुँदै प्रदेश युवा परिषद्, वागमतीका सदस्य तथा कार्यक्रम संयोजक श्याम सुन्दर शिवाकोटीले तीन दिने सचेतना अधियानले युवाहरुले लागु पर्दाथ दुव्र्यसन तथा साइबरक्राइमका बारेमा युवाहरुलाई आधारभुत रुपमा जानकारी मिलेको बताउँनु हुँदै आगामी दिनमा युवा परिषद्ले गाउँगाउँ लागु पर्दाथ दुव्र्यसन तथा साइबरक्राइमका बारेमा सचेतना अभियान फैलाउने बताउँनु भयो । 
त्यसै गरी कार्यक्रम समापन समारोहलाई सम्बोधन गर्नु हुँदै दोलखाका प्रहरी नायव उपरिक्षक भेषराज रिजालले आजको डिजिटल दुनियाँमा प्रविधिको सही ढंगले प्रयोग गर्न नसक्दा साईबर क्राइममा फस्न सकिने भन्दै इन्टरनेटको सही प्रयोगबारे सबैलाई जानकारी हुनु पर्नेमा जोड दिनु भयो । कार्यक्रममा नेपाल पत्रकार महासंघका केन्द्रिय सदस्य रमेश खतीवडाले लागु पर्दाथ दुव्र्यसन तथा साइबरक्राइमका बारेमा विद्यालय स्तरमा सचेतना अभियान सञ्चालन गर्न सकेमा त्यसबाट युवाहरुले फाईदा पाउन सक्ने बताउँनु भयो ।
समापन समारोहमा प्रदेश युवा परिषद्का सदस्य श्यामसुन्दर शिवाकोटी, प्रहरी नायव उपरिक्षक भेषराज रिजाल, नेपाल पत्रकार महासंका केन्द्रिय सदस्य रमेश खतीवडा र चरिकोट मिडिया फाउण्डेसनका अध्यक्ष जीवन लामाले सहभागीहरुलाई प्रमाण पत्र वितरण गर्नु भएको थियो ।
-1743416799.jpeg)
