राजकुलेश्वर विद्यालयका विद्यार्थीलाई विद्यालय पोसाक वितरण

भीमेश्वर नगरपालिका

गृहपृष्ठ
भीमेश्वर नगरपालिका

राजकुलेश्वर विद्यालयका विद्यार्थीलाई विद्यालय पोसाक वितरण

इ दैनिक सहकर्मी आइतबार, चैत ४, २०८०

भीमेश्वर नगरपालिका वडा नं. २ मा अवस्थित राजकुलेश्वर आधारभूत विद्यालयका विद्यार्थीलाई विद्यालय पोसाक वितरण गरिएको छ । यस विद्यालयमा अध्ययनरत ८६ जना विद्यार्थीहरुलाई आज ट्रयाक सुट र टिसर्ट वितरण गरिएको हो ।

स्थानीय समाजसेवी तथा भीमेश्वर नगरपालिका वडा नं. २ का पूर्ववडाध्यक्ष विराजमान श्रेष्ठ र राजहिटी समाज दोलखाका अध्यक्ष विक्रम मल्लको विशेष पहलमा उई केयर नेपाल आइएनसी नामक संस्थाले विद्यालय पोसाक वितरण गरेको शिक्षक बलराम शिवाकोटीले जानकारी दिनुभयो ।

पोसाक वितरण कार्यक्रम विद्यालय व्यवस्थापन समितिका अध्यक्ष अजय प्रधानको अध्यक्षतामा भएको थियो । कार्यक्रममा संस्थाका तर्फबाट कृष्णप्रसाद ढुङ्गाना, रमेश प्रसाद ढुङ्गाना, मनिस प्रसाद ढुङ्गाना र शिव श्रेष्ठको सहभागिता रहेको थियो । उपस्थित अतिथिहरुलाई विद्यालयकी शिक्षक तुलशा मैनालीले स्वागत मन्तव्य दिनुभएको थियो भने विद्यालय व्यवस्थापन समितिका अध्यक्ष अजय प्रधानले विद्यालयको तर्फबाट संस्थालाई धन्यवाद ज्ञापनसहित प्रशंसा–पत्र प्रदान गर्नु भएको थियो ।

प्रकाशित मिति: आइतबार, चैत ४, २०८० १८:४८

प्रतिक्रिया दिनुहोस्