कालिञ्चोक माविमा दोलखाका पर्यटकीय गन्तव्य

साहित्य / कला

गृहपृष्ठ
साहित्य / कला

कालिञ्चोक माविमा दोलखाका पर्यटकीय गन्तव्य

इ दैनिक सहकर्मी शनिबार, जेठ १२, २०८१

चरिकोट सदरमुकाम नजिक रहेको कालिञ्चोक माध्यमिक विद्यालयमा पर्यटकीय गन्तव्यहरु चित्रकलामार्फत चित्रण गरिएको छ । जिल्लाकै नमूना विद्यालयको रुपमा परिचित कालिञ्चोक माविका भित्ताहरुमा दोलखाका पर्यटकीय गन्तव्यहरु गौरीशंकर, च्छोरोल्पा हिमताल, लाप्ची गुम्बा, कालिञ्चोक, शैलुङ, लामाबगर, दोलखा भीमेश्वर र दोलखा सहरका पराम्परादेखि मनाउदै आएका चाडपर्वहरुलाई चित्रकलामार्फत चित्रण गरिएको छ ।

त्यहाँ अध्ययनरत विद्यार्थीहरुलाई दोलखाका भूगोलको बारेमा अवगत गराउनु साथै दोलखाको पर्यटन प्रवद्र्धनमा टेवा पुर्याउने उद्धेश्यले विद्यालयको भित्तामा कलात्मक चित्रण गरिएको कालिञ्चोक माविका प्रधानाध्यापक शम्भु गौतमले बताउनु भयो । विद्यार्थीहरु र विद्यालयमा आउने अभिभावकहरुलाई दोलखाका पर्यटकीय गन्तव्यहरुको बारेमा समेत सामान्य जानकारी गराउन सकिने भएकाले पनि कलात्मक चित्रहरु कोरिएको प्रधानाध्यापक गौतमले बताउनु भयो ।

विद्यालय प्राङ्गणको भित्तामा कोरिएका चित्रकलाले विद्यार्थी लगायत त्यहाँ पुगेका अभिभावक, आगन्तुक र जोकोहीको मन आकर्षित गर्न सकिने प्रधानाध्यापक गौतमको विश्वास छ । पर्यटकीय स्थलहरुमा पुग्न नसके तापनि चित्रमार्फत जानकारी गराउन सजिलो हुने भएकाले पनि कोरिएको हुन् । चित्रकला कलाकार सूर्यमान घलान लामाको टिमले तयार पारिएका हुन् ।

प्रकाशित मिति: शनिबार, जेठ १२, २०८१ १४:०५

प्रतिक्रिया दिनुहोस्