एसएस फाउण्डेशनद्धारा दुर्गा माविलाई झोला वितरण

शैलुंग गाउपालिका

गृहपृष्ठ
शैलुंग गाउपालिका

एसएस फाउण्डेशनद्धारा दुर्गा माविलाई झोला वितरण

इ दैनिक सहकर्मी शनिबार, मंसिर २२, २०८१

सामाजिक संस्था एसएस फाउण्डेशनले दुर्गा माविमा अध्ययनरत बालबालिकालाई झोला वितरण गरिएको छ । फाउण्डेशनले विद्यालयको वार्षिकोत्सवको अवसरमा आज झोला वितरण गरिएको हो ।

शैलुङ गाउँपालिका–४ मागापौवामा अवस्थित दुर्गा माविको ६५ औं वार्षिकोत्सवको अवसरमा झोला वितरण गरिएको एसएस फाउण्डेशन दोलखाका अध्यक्ष नवराज खड्काले जानकारी दिनुभयो । फाउण्डेशनले यस विद्यालयमा अध्ययनरत ४०१ जनाभन्दा बढी बालबालिकाहरुलाई झोला वितरण गरिएको अध्यक्ष खड्काले जानकारी दिनुभयो । फाउण्डेशनका संरक्षकसमेत रहेका सोभित उप्रेतीको पहलमा जिल्लाका विभिन्न विद्यालयका बालबालिकाहरुलाई झोला लगायत स्टेशनरी सामग्री वितरण गर्दै आएका छन् ।

वार्षिकोत्सव विद्यालय व्यवस्थापन समितिका अध्यक्ष दिल बहादुर श्रेष्ठको अध्यक्षता र बागमती प्रदेश सभाका सदस्य भरत बहादुर केसीको प्रमुख आतिथ्यतामा भएको थियो । कार्यक्रममा विद्यालयका प्रधानाध्यापक बालकृष्ण दाहालले विद्यालयका गतिविधि र वार्षिक प्रतिवेदन प्रस्तुत गर्नुभएको थियो । त्यस्तै कार्यक्रममा शैलुङ गाउँपालिकाका अध्यक्ष रिमालबाबु श्रेष्ठ, जिल्ला समन्वय समिति दोलखाका पूर्वप्रमुख डबल पाण्डे, शिक्षा समन्वय इकाई दोलखाका पूर्वप्रमुख शंकरबाबु श्रेष्ठ लगायतले मन्तव्य व्यक्त गर्नुभएको थियो ।

२०१६ सालमा स्थापना भएको दुर्गा मावि शैलुङ गाउँपालिकाकै उत्कृष्ट र नमुना विद्यालयको रुपमा स्थापित हो ।

प्रकाशित मिति: शनिबार, मंसिर २२, २०८१ १७:४२

प्रतिक्रिया दिनुहोस्