१० कक्षामा अध्ययनरत यमुना तामाङ गाडी हाक्दै

गौरीशंकर गाउँपालिका

गृहपृष्ठ
गौरीशंकर गाउँपालिका

१० कक्षामा अध्ययनरत यमुना तामाङ गाडी हाक्दै

इ दैनिक सहकर्मी बुधबार, पुस ३, २०८१

सानै उमेरदेखि गाडी चलाउन थालेकी छन् यमुना तामाङले । उनका बुबा श्याम तामाङ सवारी चालक भएकै कारण यमुनाले पनि गाडी सिक्न र चलाउन जानेकी हुन् ।

हलेश्वर मावि सुरीमा कक्षा १० मा अध्ययनरत छात्रा यमुना तामाङले हलुका सवारी साधन योद्धा गाडी सजिलैसँग चलाउन थालेकी हुन् । गौरीशंकर गाउँपालिका–५ सुरी निवासी यमुना विदाको समयमा बुबालाई साथ दिनको लागि उनीलेनै गाडी चलाउने गरेकी छिन् ।

उनले शनिबार र विदाको समयमा सिंगटी र भोर्ले बजारबाट दैनिक उपभोग्य सामग्री राखेर सवारी साधन चलाउदै आएकी छिन् । बुबाको २ वटा गाडी आफ्नै भएकाले उनले पर्याप्त मात्रामा सिक्न पाएको यमुनाले जानकारी दिनुभयो । गत चैत्र, बैशाख महिनामा गाडी सिकेर अहिले सक्षम भएको उनले बताउनुभयो । उनको बुबा पनि पहिलादेखिनै गाडी चलाउदै आएका छन् । पुराना गाडी चालक भएकाले छोरीलाई पनि आफ्नै पेशामा तानिएको यमुनाका बुबा श्याम तामाङले बताउनु भयो । उमेर पुगेपछि छोरीलाई सवारी चालक अनुमतिपत्र निकाली दिने श्याम तामाङले जानकारी दिनुभयो ।
पढाईमा अनुशासित र इमानदारी यमुना खेलकुदमा समेत सक्षम छीन् । छोरी मान्छेले चाहेमा जे पनि गर्न सक्छन् भन्ने एउटा गतिलो उदाहरण उनी बनेकी छिन् ।

प्रकाशित मिति: बुधबार, पुस ३, २०८१ १७:४०

प्रतिक्रिया दिनुहोस्