माथिल्लो तामाकोशी जलविद्युतबाट माघ पहिलो साताबाट पूर्ण क्षमताको विद्युत उत्पादन

बिगु गाउँपालिका

गृहपृष्ठ
बिगु गाउँपालिका

माथिल्लो तामाकोशी जलविद्युतबाट माघ पहिलो साताबाट पूर्ण क्षमताको विद्युत उत्पादन

इ दैनिक सहकर्मी बिहीबार, पुस ११, २०८१

माथिल्लो तामाकोशी जलविद्युत आयोजना माघ पहिलो साताबाट बेलुकीको समय ४ घण्टा पूर्ण क्षमतामा विद्युत उत्पादन सञ्चालनमा आउने भएको छ । माघबाट चैत्र बैशाखसम्म हरेक बेलुकीको समयमा पूर्ण क्षमताको विद्युत उत्पादन हुने माथिल्लो तामाकोशी जलविद्युत आयोनाका केन्द्र प्रमुख प्रवन्धक पूर्ण गोपाल रञ्जितले बताउनु भयो ।

सो अवधिमा दायाँतर्फको बालुवा थिग्र्याउने पोखरी मर्मत सकिने भएकाले विद्युत् केन्द्र पूर्ण रूपमा सञ्चालनमा आउने आयोजनाले जनाएको छ । असोज १२ र १३ गतेको अविरल वर्षाले आएको बाढी पहिरोबाट क्षतिग्रस्त तामाकोशी जलविद्युत् आयोजना हाल १२० मेघावाट मात्र विद्युत सञ्चालनमा आएको छ । पहिरोले क्षति गरेर असोज देखि उत्पादन बन्द भएको ४५६ मेघावाटको माथिल्लो तामाकोशी जलविद्युत् आयोजनाले मंगलबारबाट बिजुली उत्पादनलाई सञ्चालनमा ल्याएको हो ।

पहिराले क्षतिग्रस्त बनाएको बायाँतर्फको बालुवा थिग्र्याउने पोखरीको पुनः निर्माण गरेर जलाशयबाट सीधै पानी पठाएर अहिले बिजुली उत्पादन थालिरहेको छ । मंगलबार साँझदेखि १२० मेघावाट विद्युत् उत्पादन भइरहेको विद्युत् केन्द्रका प्रमुख प्रवन्धक पूर्ण गोपाल रञ्जितले बताउनु भयो ।

विद्युत् केन्द्रको हेडवक्र्समाथिबाट आएको पहिराले क्षति गरेको विद्युत् सञ्चालन केन्द्र निर्माण गर्न भने अझै एक वर्ष लाग्ने अनुमान गरिएको छ । दुई दिने अविरल वर्षले हेडवक्र्स क्षेत्रमा लेदो सहितको पहिरो खस्दा दुई तले कन्ट्रोल विल्डिङ पुरिएको थियो । पहिरोले बालुवा थिग्र्याउने पोखरी (डिस्याण्डर), बाँधस्थल भन्दा केही तल दायाँतर्फ रहेको नियन्त्रण कक्ष र बाँधबाट डिस्याण्डरसम्म पानी प्रवाह गर्ने भूमिगत नहर (कल्भर्ट) लगायतका संरचनामा ठूलो क्षति पुगेको थियो ।

प्रकाशित मिति: बिहीबार, पुस ११, २०८१ १८:४०

प्रतिक्रिया दिनुहोस्