माघ १ गतेखि वडाअध्यक्ष कप सुरु

खेलकुद

गृहपृष्ठ
खेलकुद

माघ १ गतेखि वडाअध्यक्ष कप सुरु

इ दैनिक सहकर्मी शनिबार, पुस २७, २०८१

भीमेश्वर नगरपालिका–५ ले माघ १ गतेदेखि वडाअध्यक्ष कप सुरु गर्ने भएको छ । आज सदरमुकाम चरिकोटमा एक कार्यक्रममा ट्रफी तथा टाईसिट सार्वजनिक गर्दै सो जानकारी दिएका हुन् ।

भीमेश्वर नगरपालिका वडा नं. ५ ले दोस्रो जिल्लाव्यापी मावि स्तरीय छात्र फुटबल प्रतियोगिता आयोजना गर्न लागेको वडाअध्यक्ष वासु श्रेष्ठले जानकारी दिनुभयो । कक्षा १० सम्मका छात्रहरुले मात्र सहभागी जनाउन पाउने प्रतियोगितामा जिल्लाभर २० वटा टिमले भाग लिएका छन् ।

५ नम्बर वडाले आयोजना गरिएको यो दोस्रो वडाअध्यक्ष कप हो । गत वर्षदेखि सुरु गरिएको वडाअध्यक्ष कपमा विद्यार्थीहरुको उत्साहपूर्ण सहभागीता रहेकाले यस वर्ष पनि प्रतियोगितालाई निरन्तरता दिएको वडाअध्यक्ष श्रेष्ठले जानकारी दिनुभयो । प्रतियोगितामा विजेताले ७५ हजार र उपविजेताले ४५ हजार नगद पुरस्कार, शिल्ड, मेडल पाउनेछन् ।

ट्रफी तथा टाईसिट सार्वजनिक कार्यक्रम भीमेश्वर नगरपालिका–५ का वडाअध्यक्ष वासु श्रेष्ठको अध्यक्षतामा भएको थियो । कार्यक्रममा नेपाल पत्रकार महासंघ दोलखाका अध्यक्ष प्रभु जिरेल, जिल्लाका एन्फा कोच शन्त बहादुर तामाङ, दोलखा जिल्ला फुटबल संघका कोषाध्यक्ष पवन खड्का, भिजन युथ क्लवका अध्यक्ष रवि बस्नेत र रेफ्री राजेन्द्र भुजेलले मन्तव्य व्यक्त गर्नुभएको थियो ।

प्रकाशित मिति: शनिबार, पुस २७, २०८१ १६:५७

प्रतिक्रिया दिनुहोस्