दोलखा जिल्ला कप–२०८१ आजदेखि सुरु

खेलकुद

गृहपृष्ठ
खेलकुद

दोलखा जिल्ला कप–२०८१ आजदेखि सुरु

इ दैनिक सहकर्मी बिहीबार, माघ ३, २०८१

आजदेखि सदरमुकाम चरिकोटको भीमेश्वर कभर्ड हलमा दोलखा जिल्ला कप २०८१ सुरु भएको छ । जिल्ला भलिबल संघ दोलखाको आयोजनामा आजदेखि अन्तर पालिकास्तरीय महिला भलिबल प्रतियोगिता सुरु भएको हो ।

उक्त महिला भलिबल प्रतियोगिता बागमती प्रदेश सभा सदस्य भरत बहादुर केसीले उदघाटन गरेका हुन् । प्रतियोगितामा ९ स्थानीय तहहरुमध्ये ७ वटा पालिकाका ८ वटा टिमको सहभागिता रहेको जिल्ला भलिबल संघ दोलखाका अध्यक्ष बालकृष्ण खड्काले जानकारी दिनुभयो । जिल्ला भलिबल संघ दोलखाका अध्यक्ष खड्काको अध्यक्षता र बागमती प्रदेश सभाका सदस्य भरत बहादुर केसीको प्रमुख आतिथ्यतामा प्रतियोगिता उदघाटन भएको थियो ।

उदघाटनमा मेलुङ गाउँपालिकाका अध्यक्ष हिरा कुमार तामाङ, कालिञ्चोक गाउँपालिकाका उपाध्यक्ष कुल बहादुर बुढाथोकी, नेकपा एमाले दोलखाका अध्यक्ष नर बहादुर श्रेष्ठ, राप्रपा नेपाल दोलखाका अध्यक्ष नवराज श्रेष्ठ लगायतका उपस्थिति रहेका थिए । प्रतियोगिता यही माघ ५ गतेसम्म चल्ने छ । प्रतियोगितामा प्रथम, द्वितीय, तृतीय र सान्त्वना हुने टिमले क्रमशः ५० हजार, ३० हजार, २० हजार, १० हजार नगदसहित ट्रफि, मेडल र प्रमाणपत्र पाउने आयोजकले जनाएका छन् ।

प्रकाशित मिति: बिहीबार, माघ ३, २०८१ १४:०७

प्रतिक्रिया दिनुहोस्