हिलेपानी मावि ५० औं वर्षमा प्रवेश

कालिन्चोक गाउँपालिका

गृहपृष्ठ
कालिन्चोक गाउँपालिका

हिलेपानी मावि ५० औं वर्षमा प्रवेश

इ दैनिक सहकर्मी बिहीबार, माघ १७, २०८१

दोलखा कालिञ्चोक गाउँपालिका–४ लामिडाँडामा अवस्थित हिलेपानी संस्कृत माध्यमिक विद्यालय ५० औं वर्षमा प्रवेश गरेको छ । ५० औं वर्षमा प्रवेश गरेको अवसरमा विद्यालयले विभिन्न कार्यक्रम आयोजना गरि मनाईएको छ ।

स्वर्ण जयन्तीको अवसरमा विद्यालयले यही माघ २१ गतेसम्म विविध कार्यक्रमहरु तय गरिएको विद्यालयका सहायक प्रधानाध्यापक डम्बर बहादुर थामीले जानकारी दिनुभयो । स्वर्ण जयन्ती भव्य रुपमा मनाउनको लागि विद्यालयले विभिन्न उपसमितिहरु गठन गरिएको थियो । विद्यालयलाई आर्थिक, भौतिक र नैतिक रुपमा सहयोग गर्न समाजसेवी, बुद्धिजीवी, शिक्षाप्रेमी र अभिभावकहरुलाई विद्यालयले आग्रह गरेका थिए । विभिन्न व्यक्तिहरु, संस्थाहरुद्धारा संकलित रकमबाट विद्यालयले खेलकुद, सांस्कृतिक कार्यक्रम, स्मारिका प्रकाशन लगायतका विविध कार्यक्रमहरु आयोजना गरिएको सहायक प्रधानाध्यापक थामीले जानकारी दिनुभयो ।

उदघाटन समारोह विद्यालय व्यवस्थापन समितिका अध्यक्ष हरिराज भण्डारीको अध्यक्षता र संघीय सांसद गंगा बहादुर कार्की (विश्व) को प्रमुख आतिथ्यतामा भएको थियो । कार्यक्रममा विद्यालयको गतिविधि र प्रगति प्रतिवेदन प्रधानाध्यापक भीम कुमार पाण्डे र आर्थिक प्रतिवेदन आर्थिक समितिका ध्रुवराज कार्कीले प्रस्तुत गर्नुभएको थियो । त्यस्तै उदघाटन समारोहलाई कालिञ्चोक गाउँपालिकाका उपाध्यक्ष कुल बहादुर बुढाथोकी, वडाअध्यक्ष, पूर्वविद्यार्थीहरु र नेपाल पत्रकार महासंघका केन्द्रीय सदस्य लक्ष्मण थामी लगायतले शुभकामना मन्तव्य व्यक्त गर्नुभएको थियो ।

प्रकाशित मिति: बिहीबार, माघ १७, २०८१ १८:५७

प्रतिक्रिया दिनुहोस्