होटल तथा पर्यटन व्यवसायी संघ नेपाल बागमती प्रदेशको अध्यक्षमा दामोदर नेपाल चयन हुनुभएको छ । होटल तथा पर्यटन व्यवसायी संघ नेपाल, बागमती प्रदेशको पाँचौं वार्षिक साधारणसभा तथा तेस्रो अधिवेशनबाट नेपाल अध्यक्षमा चयन हुनुभएको हो ।
चैत्र ५ गते सदरमुकाम चरिकोटमा आयोजित होटल तथा पर्यटन अधिबेशन भएको थियो । उक्त अधिवेशनले नेपाललाई चयन गरेको निर्वाचन समितिले जनाएको छ । त्यस्तै वरिष्ठ उपाध्यक्षमा श्यामकुमार श्रेष्ठ, प्रथम उपाध्यक्षमा निप्पु सर्राफ र द्वितीय उपाध्यक्षमा राजकुमार श्रेष्ठ महासचिव सुनिल अर्याल, सचिव गोपाल सापकोटा, सहसचिव रामकृष्ण बस्नेत, कोषाध्यक्षमा विनोद लामिछाने र सहकोषाध्यक्षमा ललितजंग सिंह चयन भएका छन् ।
निर्वाचन समितिको अनुसार कार्यसमिति सदस्यहरुमा टिका बहादुर तामाङ, रामशरण गजुरेल, बालकृष्ण भट्ट, तुलसी पौडेल, हेमबहादुर श्रेष्ठ, अन्जनकुमार खड्का, बोदप्रसाद, अमृतबहादुर श्रेष्ठ र सरोजकुमार तामाङ चयन भएको जनाएका छन् ।
उद्घाटन कार्यक्रम होटल तथा पर्यटन व्यवसायी संघ नेपाल, बागमती प्रदेशका अध्यक्ष दामोदर नेपालको अध्यक्षता र बागमती प्रदेशका मुख्यमन्त्री बहादुर सिंह तामाङ लामाको प्रमुख आतिथ्यतामा भएको थियो । कार्यक्रम होटल तथा पर्यटन व्यवसायी संघ दोलखाले व्यवस्थापन गरिएको संघ दोलखाका अध्यक्ष कुमार श्रेष्ठले जानकारी दिनुभयो ।
-1743416799.jpeg)
