१८ औं १० करोड बज्रगुरु मन्त्रजप तथा विश्वशान्ति पूजा कार्यक्रमको लागि विभिन्न व्यक्तिहरुले सहयोग गर्न थालेका छन् । दोलखाको सदरमुकाम चरिकोटमा सञ्चालित १० करोड बज्रगुरु मन्त्रजप तथा विश्वशान्तिको लागि आयोजित पूजा कार्यक्रमको लागि दाताहरुले दैनिक रुपमा सहयोग गर्न थालेका छन् ।
चैत्र १७ देखि २६ गतेसम्म आयोजना गरिएको पूजा कार्यक्रममा पहिलो दिनमै पाँच लाखभन्दा बढी रकम संकलन भएको पूजा मूल आयोजक समितिका संयोजक खेन्पो पेमछिरी शेर्पाले बताउनु भयो । त्यस्तै दोस्रो दिन ३ लाख र तेस्रो दिन साढे तीन लाखभन्दा बढी रकम संकलन भएको खेन्पो शेर्पाले जानकारी दिनुभयो ।
नगद रकमको साथै पिउने पानी, दही, चिया पनि दैनिक रुपमा सहयोग गर्ने चन्दादाताहरु बढ्दो क्रममा छन् । आयोजकले कार्यक्रम स्थलमै सहयोगीदाताहरुलाई सजिलोको लागि स्टल राखिएका छन् । कार्यक्रममा सहभागी सबैलाई खाना, नास्ता, चिया निशुल्क व्यवस्था गरिएको कार्यक्रम आयोजक खेन्पो शेर्पाले बताउनु भयो ।
पूजा कार्यक्रममा ८१९ जना लामा र ४६९ जना आमा समूहका मानिक्पाहरु हुनुहुनछ । पूजा कार्यक्रमको लागि दोलखाका विभिन्न गुम्बा, गाउँबाट आउनु भएका छन् भने रामेछाप, सिन्धुली, ओखलढुंगा, सोलुखुम्बु, सिन्धुपाल्चोक, काभ्रपलाञ्चोक, काठमाडौ, धादिङ, नुवाकोट, मकवानपुर, रसुवा लगायतका छन् । त्यस्तै अमेरिका, थाईल्याण्ड र कोरियाबाट समेत कार्यक्रमको लागि पाहुनाहरु आउनु भएको कार्यक्रम संयोजक खेन्पो शेर्पाले जानकारी दिनुभयो ।
-1743416799.jpeg)
